Настройкі
Настройкі шрыфту
Arial
Times New Roman
Памер шрыфту
A
A
A
Міжлітарная адлегласць
Стандартнае
Павялічанае
Вялікае
Колеравая схема
Чорным
па белым
Белым
па сінім
Мядзельскі раённы выканаўчы камітэт
Галоўная / Навіны / Навіны вобласці
8 мая 2020

У Інстытуце агародніцтва пад Мiнскам ствараюць новыя гатункі гародніны

На палях Цэнтральнага рэгіёна ў гэтыя дні высаджваюць гародніну: капусту, моркву, цыбулю. Большая частка - гэта гатункі беларускай селекцыі. Над іх стварэннем працуюць у Інстытуце агародніцтва пад Мінскам. Там жа вырошчваюць і экзатычныя для нашай краіны расліны, паведамляе Беларусь 1.

Гэта дыні, кавуны, баклажаны, таматы. На эксперыментальных пляцоўках пад Мінскам штогод вырошчваюць больш за сотню розных відаў агародніны, у першую чаргу, каб распрацаваць тэхналогіі агравытворчасці. Гэтыя рэкамендацыі дапамагаюць гаспадаркам атрымліваць высокі ўраджай.

Спецыялісты вывучаюць, як паводзяць сябе нетыповыя для нашага клімату расліны, новыя гатункі гародніны, якія выводзяць тут жа ў суседніх лабараторыях. Дарэчы, на стварэнне кожнага часам сыходзіць больш за 10 гадоў.

Як адзначыў, дырэктар Інстытута агародніцтва НАН Беларусі Андрэй Чайкоўскі, супрацоўнікі пастаянна сочаць за зменлівымі ўмовамі, каб удасканальваць тэхналогіі. Таксама пастаянна з'яўляюцца новыя гатункі, напрыклад, у гэтым годзе цыбуля парэй. Плануецца, што праз два гады яна будзе запушчана ў прамысловую вытворчасць.