Настройкі
Настройкі шрыфту
Arial
Times New Roman
Памер шрыфту
A
A
A
Міжлітарная адлегласць
Стандартнае
Павялічанае
Вялікае
Колеравая схема
Чорным
па белым
Белым
па сінім
Мядзельскі раённы выканаўчы камітэт
Галоўная / Навіны / Навіны вобласці
8 чэрвеня 2020

Да правядзення абласнога свята "Дажынкі" рыхтуюцца на Міншчыне

Абласное свята "Дажынкі-2020" пройдзе ў Чэрвені. Горад рыхтуецца прымаць гасцей, працягваецца яго добраўпарадкаванне. Частка аб'ектаў ужо здадзена, увод астатніх ідзе па плане, паведамляе МЛЫН.ВY.

Як распавёў дырэктар Чэрвеньскага ЖКГ Уладзімір Кулагін, падрыхтоўку да галоўнага свята хлебаробаў пачалі ў канцы мінулага года. Ужо перакладзена каля 5тыс. м2 тратуарнай пліткі. За кошт бюджэтных сродкаў вялікую працу па навядзенні парадку праводзяць і ўстановы культуры, аховы здароўя, адукацыі. Практычна завершаны рамонт у Смілавіцкай і Чэрвеньскай бальніцах. Школы добраўпарадкоўваюць прылеглую тэрыторыю, фарбуюць фасады будынкаў. Радуюць вялікі і малы скверы. У найбліжэйшы час завершацца рамонтныя работы на тэрыторыі каля раённага выканаўчага камітэта. Таксама перад яго будынкам будзе створана яркая кветкавая кампазіцыя.

Акрамя гэтага, у трох жылых дамах Чэрвеня замянілі дахі, такая праца будзе яшчэ на трох аб'ектах. Пасля капітальнага рамонту рыхтуюцца да здачы два жылыя дамы, яшчэ адзін у Смілавічах. У жылым сектары райцэнтра па вул. Барыкіна да 15 ліпеня завершаць добраўпарадкаванне дваровых тэрыторый. Там з'явяцца тратуарныя дарожкі, заасфальтуюць дарогі.

Варта адзначыць, зменьваюцца і Смілавічы. Плануецца, што сюды падчас правядзення свята прыедуць госці і дэлегацыі. Таму вялікі аб'ём работ быў выкананы яшчэ летась. Паклалі каля 2 тыс. м2 тратуарнай пліткі, добраўпарадкавалі цэнтр. У будынку кінатэатра правялі бягучы рамонт, зрабілі Дом культуры. Дарэчы, у ім каля 190 пасадачных месцаў, а вакол добраўпарадкаваная тэрыторыя. Завяршыліся работы ў школе мастацтваў і музеі Манюшкі. Новае аблічча набылі гімназія, школа мастацтваў.

Дарэчы, асноўныя работы па добраўпарадкаванні Чэрвеня плануецца завяршыць да 3 ліпеня, астатнія да 1 верасня.